• View
• Edit
• History
• Attach
• Print

Connor

Well, a wis surprised tae find ma name in this book. A be nae ane special an' hou it came tae be in here is unco tae me.

Hou iver it happened, a guess is nae matter as it haes. sae it faws tae me A daursay tae fill in the empie page. like A said, a'm nae ane special. the son o a crofter who wis son o anither crofter an' sae oan. it war some stroke o luck that ma life became fu' whan A met ma bonnie Brigid.

It wis at the fair, we haed brang our corn into the faire hopin tae find someone tae coff it at a guid price. an' A see'd her athwart the way, leukin at ribbons for her hair. A canna mynd whit it wis exactly that a haed said tae her. Bit she thocht whit iver it wis wis braw. For ma nain part, aw A could think aboot wis hou fair an' bonnie she wis.

A am sairy gin this is hard tae read, a'm no vera guid at writin' Brigid is smarter nor me a fair pace. Hou she came tae mairy me a'm no vera shuir o. A'm jist happy tae hae her as ma guidwife.

A'm dodderin' oan agin' bit a wee bit efter we war married A wis drivin a cart doun the lane whan a soldier stopped me an' demanded tae see whit wis in the back. No wantin' any trouble A stopped the cart an' lat the man leuk o'er ma rig. War then whan a queerie thing happened, no queerie as in unco, bit queerie as in a coincidence, anyhou wis then ma horse lat loose his bladder aw o'er the shuin o the soldier. When the man startled whan it happened, thare wis already enough muck in that spot an' the soldier slipp'd an' fell doun an' cloot his head oan the hitch o the cart. Things belike wadna hae gaen further bit A coudlnt' help masel an' A lat loose a wee chuckle. Well that set him aff bit guid. Next thing A ken a'm oan a boat wearin a sack. Worser or better, a dinna ken whilk, ma bonnie Brigid gat hersel thrown in wi' me.

Sae, here we be, stickit oan this rock for the rest o our lives.

och anither thing, people are always askin gin me an' Connie Crete are related. A dinna think sae. If sae it's a distant relation. Her speakin' isnae like mine vera muckle. altho' A guess it's easy tae hear the difference for me. A canna tell the difference atween most o ye from different lands aither.